Farai un vers de dreit nien
Non er de mi ni d'autra gen,
Non er d'amor ni de joven,
Ni de ren au,
Qu'enans fo trobatz en durmen
Sobre chevau.
Non sai en qual hora m fuy natz:
Non suy alegres ni iratz,
Non suy estrayns ni sui privatz
Ni no n puesc au,
Qu'enaissi fuy de nueitz fadatz
Sobr'un pueg au
No sai quora m suy endurmitz
Ni quora m velh, s'om no m'o ditz
Per pauc no m'es lo cor partiz
D'un dol corau
E no m'o pretz una soritz
Per san Marsau
Malautz suy et termi murir
E ren no n sai mas quan n'aug dir;
Metge querrai al mieu albir
E non sai cau
Qu'anc non ac Norman ai Frances
Dins mon ostau
Anc non la vi et am la fort
Anc no n'aic dreyt ni no m fes tort
Quan non la vey, be m'en deport,
No m pretz un jau
Qu'ie n sai gensor et bellazor,
E que mais vau
Fag ai lo vers, no say de cuy;
Lay vers Anjau
Que m tramezes del sieu estuy
La contraclau
Гийом Аквитанский